АҚШда 9 ёшли қиз ўқ отиш бўйича инструкторни тасодифан отиб ўлдирди

АҚШнинг Аризона штатида 9 ёшли ўқувчи қиз ўқ отиш машғулотида тасодифан инструкторни бошидан отиб ўлдириб қўйди, дея хабар берди Washington Post.

Ҳодиса Уайт Ҳиллз шаҳрида содир бўлди. 39 ёшли Чальз Вакка ўқувчи қиз ёнида туриб, унга «Узи» пулемёт тўппончасидан қандай фойдаланиш кераклигини кўрсатаётган бўлган. Қизча яккам-дуккам режимида бир неча бора ўқ узган, бироқ шундан сўнг қурол тўлиқ автоматик режимга ўтиб қолган. Қурол қаттиқ тепа бошлагач, қизалоқ уни қўлидан чиқариб юборган, у қизнинг боши устидан учиб ўтиб Ваккуга ўқ узган.

Инструктор вертолётда Лас-Вегас касалхонасига келтирилган, у ерда бир неча соатдан сўнг вафот этган.

Фожиа юз берган отиш машқлари ўтказиладиган майдон қоидаларига кўра, ўқувчилар камида 8 ёшга тўлган бўлиши керак. 8—17 ёшлилар машғулотга ота-оналари ҳамроҳлигида келиши керак. Маҳаллий шериф ҳеч қандай айблов эълон қилинмаслигини таъкидлади.