Исроил ва Фаластин автономияси Мисрнинг Ғазо секторида узоқ муддатли ярашув ҳақидаги таклифига розилик билдирди, у 26 август, сешанба куни кечқурун кучга кирди, дея хабар бермоқда Euronews.
Келишув ҳар иккала томондан ҳарбий ҳаракатлар тўхтатилишини, шунингдек Ғазо сектори қамалининг сусайтирилишини назарда тутади. Бу маҳаллий аҳолига гуманитар ёрдам ва қурилиш материаллари олиш учун йўл очиб беради.
Маҳмуд Аббос Фаластин ҳукумати ҳам, ҲАМАС вакиллари ҳам Қоҳира ташаббусига ижобий ёндашганини таъкидлади.
Ўзаро тинчлик сулҳи тузилгани эълон қилинишидан аввалроқ Исроил самолётлари Ғазодаги баланд биноларни ўққа тутган эди. Исроил томони отишмаларда ҳеч ким қурбон бўлмаганини, бу ҳақда аввалдан огоҳлантириш берилганини айтди.
Изоҳ (0)