Isroil va Falastin avtonomiyasi Misrning G‘azo sektorida uzoq muddatli yarashuv haqidagi taklifiga rozilik bildirdi, u 26-avgust, seshanba kuni kechqurun kuchga kirdi, deya xabar bermoqda Euronews.
Kelishuv har ikkala tomondan harbiy harakatlar to‘xtatilishini, shuningdek G‘azo sektori qamalining susaytirilishini nazarda tutadi. Bu mahalliy aholiga gumanitar yordam va qurilish materiallari olish uchun yo‘l ochib beradi.
Mahmud Abbos Falastin hukumati ham, HAMAS vakillari ham Qohira tashabbusiga ijobiy yondashganini ta’kidladi.
O‘zaro tinchlik sulhi tuzilgani e’lon qilinishidan avvalroq Isroil samolyotlari G‘azodagi baland binolarni o‘qqa tutgan edi. Isroil tomoni otishmalarda hech kim qurbon bo‘lmaganini, bu haqda avvaldan ogohlantirish berilganini aytdi.
Izoh (0)