«Реал» ҳужумчиси Криштиану Роналду муздай сув қўйиш оммавий тадбирининг қурбони бўлди. Бу ҳақда Stadion.uz хабар бермоқда.
Ice Bucket Challenge номли тадбирнинг мақсади — омманинг эътиборини Лу Гериг ёки Шарко касаллиги муаммоларига қаратишдир. Бу касаллик одамнинг бош мия системасига таъсир қилиб, кейинчалик фалажликка олиб келиши мумкин.
Сўнгги кунларда интернетда жаҳоннинг бир қатор таниқли инсонлари устидан муздек сув қуйилган видеотасвирлар тарқалди. Бу «вирусли» видео бўлиб, воқеа қурбони 24 соат ичида ушбу ҳаракатни кимгадир қўллаши ёки юқорида қайд этилган касалликка қарши курашиш жамғармасига 10 минг доллар ўтказиши шарт.
Эслатиб ўтамиз, Facebook асосчиси Марк Цукерберг ўз устидан сув қуйиб, Microsoft асосчиси Билл Гейцни ҳам шундай қилишга ундаган эди. Кўп ўтмай, Билл Гейц ҳам Шарко (мушак фалажи) касаллиги билан оғриганлар учун пул йиғиш хайрия кампанияси доирасида ўз устидан муздек сув қуйиб юборганини хабар берган эдик.
Маълумот учун, 29 июлдан 12 августгача бўлган вақт давомида 5,5 миллион доллар йиғилди. Ўтган йили шу даврда 32 минг доллар йиғилган эди.
Изоҳ (0)