Фарғона аэропортининг реконструкциядан чиққан янги биноси шу йилнинг сентябрь ойидан ишга тушади, бу ҳақда «Ўзбекистон ҳаво йўллари» МАК ер устидаги иншоотлар ва аэродромларни бошқариш департаменти директори Антон Хожанянга таяниб, Podrobno.uz хабар берди.
Унинг айтишича, аэропорт реконструкцияси лойиҳаси 18 миллиард сўмни ташкил этиб, у замонавий вентиляция ва кондиционерлаш ускуналарини ўрнатиш, юкхона ва ёнғин хавфсизлиги тизимига ишлов бериш ва бошқаларни назарда тутади. Шунингдек, эскирган ёқилғи-мойлаш омборхонаси кўчирилди ва реконструкция қилинди, натижада самолётларга ёқилғи қуйиш жараёни тезлашди: 9 дақиқа ичида 11 тона авиакеросин қуйиладиган бўлди.
Йўловчиларни қабул қилиш имконияти даражаси ўзгармай қолган бўлса-да, уларнинг қулайликлари учун кўпгина ишлар амалга оширилди. Барча хизмат хоналари биринчи қаватдан иккинчи қаватга ўтказилди. Энди йўловчилар юк билан тепага чиқиш ва яна қайтиб тушиш қийинчиликларидан озод бўлди: учиб келган ва учиб кетаётган йўловчилар ҳам аэровокзалнинг биринчи қаватидан ўтадиган бўлди.
Изоҳ (0)