Click тизими ва 5100 SMS хизмати ОТМларга кириш имтиҳонлари жавобларни 15 август, жума кунидан бошлаб тарқатишни йўлга қўйди. Аввалроқ, тизим имтиҳон натижалари Давлат тест марказидан олинганидан сўнг, автоматик равишда SMS тарзида етказилишини маълум қилганди. Бу ҳақда «Кун» нашри хабар берди.
Натижаларни билиш учун Click тизими фойдаланувчиси *880# сўрови орқали чақириладиган USSD-менюсидан «DTM-2014» бўлимига кириши, у ерда эса абитуриентнинг тест жавоблари варақаси рақамини киритиши керак.
Шундан сўнг тизим, Click фойдаланувчиси ҳисобидан 1,5 минг сўм ечиб олади ва фойдаланувчига кўрсатилган жавоб варақаси бўйича натижаларни тақдим этади (абитуриент талабаликка тавсия этилгани ёки этилмагани, фанлар бўйича тестларда неча балл тўплагани ҳақидаги SMS-хабар).
Бундан ташқари, 15 августдан бошлаб 5100 SMS хизмати томонидан ҳам тест натижалари тўғрисида хабар берила бошланди.
Аввалроқ, Ўзбекистон Республикаси таълим муассасаларига қабул қилиш бўйича Давлат комиссияси олий ўқув юртларига кириш имтиҳони натижалари 16 август, шанба куни соат 9:00 дан бошлаб эълон қилинишини маълум қилганди.
Изоҳ (0)