Farg‘ona aeroportining rekonstruksiyadan chiqqan yangi binosi shu yilning sentabr oyidan ishga tushadi, bu haqda “O‘zbekiston havo yo‘llari” MAK yer ustidagi inshootlar va aerodromlarni boshqarish departamenti direktori Anton Xojanyanga tayanib, Podrobno.uz xabar berdi.
Uning aytishicha, aeroport rekonstruksiyasi loyihasi 18 milliard so‘mni tashkil etib, u zamonaviy ventilyatsiya va konditsionerlash uskunalarini o‘rnatish, yukxona va yong‘in xavfsizligi tizimiga ishlov berish va boshqalarni nazarda tutadi. Shuningdek, eskirgan yoqilg‘i-moylash omborxonasi ko‘chirildi va rekonstruksiya qilindi, natijada samolyotlarga yoqilg‘i quyish jarayoni tezlashdi: 9 daqiqa ichida 11 tona aviakerosin quyiladigan bo‘ldi.
Yo‘lovchilarni qabul qilish imkoniyati darajasi o‘zgarmay qolgan bo‘lsa-da, ularning qulayliklari uchun ko‘pgina ishlar amalga oshirildi. Barcha xizmat xonalari birinchi qavatdan ikkinchi qavatga o‘tkazildi. Endi yo‘lovchilar yuk bilan tepaga chiqish va yana qaytib tushish qiyinchiliklaridan ozod bo‘ldi: uchib kelgan va uchib ketayotgan yo‘lovchilar ham aerovokzalning birinchi qavatidan o‘tadigan bo‘ldi.
Izoh (0)