Apple компаниясининг раҳбари Тим Кук ҳам Шарко (мушак фалажи) касаллиги билан оғриганлар учун пул йиғиш ҳайрия кампанияси доирасида ўз устидан муздек сув қуйиб юборди. Бу ҳақда The Verge маълумотига асосланиб «Пароль» нашри хабар берди.
Apple директорини бундай қилишга компаниянинг маркетинг раҳбари Фил Шиллер чақирган. Ўз устидан муздек сув қуйиб юборишга чақирилган кишилар бу ишни бажаришлари ёки ҳайрия қилишлари ёки буларнинг иккаласини ҳам амалга оширишлари мумкин.
Ўз устидан муздек сув қуйиб юборган кишилар яна уч кишини 24 соат ичида шундай қилишга ундаши мумкин. Тим Кук Disney раҳбари Боб Игер, Beats асосчиси Dr. Dre ва мусиқачи Михаил Франтиларни ўзларининг устидан муздек сув қуйишга чақирди.
Бу ҳайрия кампанияси кенг тарқалмоқда: аввалроқ Facebook раҳбари Марк Цукерберг шу ишни амлага оширгани ҳақида хабар берилган.
Изоҳ (0)