Global Solutions компанияси Ўзбекистон Давлат тест марказининг ахборот кўмагида абитуриентларга ОТМларга кириш имтиҳонларига тайёрланиш учун имкон берадиган мобил дастур яратиш ишларини олиб бормоқда. Дастур билан таништирувчи версияни Google Play’дан юклаб олиш мумкин бўлди, дея хабар берди Infocom.uz.
МйТест деб номланган ушбу дастур тест саволлари тўпламидан иборат. Унга босма нашрдан чиқадиган «Ахборотнома» тестлари киритилган.
Бундан ташқари, унда республика бўйича барча олий таълим муассасалари маълумотлар базаси мавжуд бўлиб, бу фойдаланувчиларга ОТМни танлаш ва у ҳақда ахборотга эга бўлиш имконини беради.
Изоҳ (0)