Lenovo компанияси Vibe Z2 Pro смартфонини тақдим этди

Lenovo компанияси Vibe Z2 Pro смартфонини тақдим этди. Бу ҳақда Gsmarena маълумотига асосланиб «Пароль» нашри хабар берди.

Смартфонда 6 дюйм, 2560×1440 пикселли дисплей, 2,5 ГГц частотага эга Qualcomm Snapdragon 801 процессори, Adreno 330 графика процессори, 16 мегапикселли орқа камера, 3 Гб тезкор ва кенгайтириб бўлмайдиган 32 Гб ички хотира ўрнатилган.

Қурилманинг оғирлиги 179 грамм ҳамда ўлчамлари 156×81,3×7,7 миллиметр, батареясининг қуввати эса 4000 мА·соатни ташкил этади. Анъанага кўра унда иккита микро SIM-карта (GSM + LTE) ўрнатиш мумкин.

Россияда Lenovo Vibe Z2 Pro смартфонининг сотуви сентябрда бошланиши ва унинг қора, оқ ҳамда тилларанг турлари бўлиши мумкин. Янги смартфоннинг нархи эса тахминан 834 долларни ташкил этади.