Lenovo kompaniyasi Vibe Z2 Pro smartfonini taqdim etdi

Lenovo kompaniyasi Vibe Z2 Pro smartfonini taqdim etdi. Bu haqda Gsmarena ma’lumotiga asoslanib “Parol” nashri xabar berdi.

Smartfonda 6 dyuym, 2560×1440 pikselli displey, 2,5 GGs chastotaga ega Qualcomm Snapdragon 801 protsessori, Adreno 330 grafika protsessori, 16 megapikselli orqa kamera, 3 Gb tezkor va kengaytirib bo‘lmaydigan 32 Gb ichki xotira o‘rnatilgan.

Qurilmaning og‘irligi 179 gramm hamda o‘lchamlari 156×81,3×7,7 millimetr, batareyasining quvvati esa 4000 mA·soatni tashkil etadi. An’anaga ko‘ra unda ikkita mikro SIM-karta (GSM + LTE) o‘rnatish mumkin.

Rossiyada Lenovo Vibe Z2 Pro smartfonining sotuvi sentabrda boshlanishi va uning qora, oq hamda tillarang turlari bo‘lishi mumkin. Yangi smartfonning narxi esa taxminan 834 dollarni tashkil etadi.