Тадбиркорлар ўзбек автомобиллари Қозоғистон автосаноати ривожланишига халал бераётганидан нолиди

Қозоғистондаги «Азия Авто» АЖ автомобиль заводи раҳбари Ерик Сагимбоевнинг фикрича, Қозоғистон авто ишлаб чиқарувчилари ўз маҳсулотларини муваффақиятли экспорт қилиши учун ташқи савдодаги шэриклар, жумладан Ўзбекистон билан муносабатларни «тенглаштириши» керак. Бу ҳақда Tengrinews.kz хабар берди.

Унинг айтишича, 90 йиллардан бошлаб Қозоғистон ўзбек автосаноати учун асосий бозор бўлиб келган. UzDaewoo автомобиллари мамлакат бозорига божсиз киритилган, шу сабабли импорт ҳажми бўйича автомобиль маркалари ичида юқори учликка кирган.

Таъкидлаш жоиз, 2014 йил бошида Қозоғистон «Автотранспорт воситалари хавфсизлигига талаблар» техник регламентига киритилган талабларга кўра, ўзбек машиналари Қозоғистон бозорига кириши чэкланган эди. «Бироқ бир неча ой ўтиб, Ўзбекистон ушбу янги талабларни бекор қилди, — деди Сагимбоев. — Бир ойдан кам вақт ичида Қозоғистонга 20 мингта автомобиль келтирилди. Таққослаш учун, ўтган йил мобайнида жами 13,3 мингта ўзбек машинаси бизга экспорт қилинган эди».

Сагимбоевнинг сўзларига кўра, улар ўзбек автомобиль саноатини ривожлантиришга ёрдам бермоқда. «Ташқи савдода адолат ўрнатилиши керак. Қозоғистонга ҳам Ўзбекистон бозорига божсиз маҳсулотларни тенгма-тенг олиб кириш имкони берилиши керак. Ёки ўзбек машиналарига ҳам божхона тариф ва акцизлари жорий этилиши керак», — деди у.

Қнcепто консалтинг компанияси директори Олег Алфёровнинг аниқлик киритишича, Қозоғистон авто ишлаб чиқарувчиларига ўзбек машиналари билан бир қаторда, Украинадан келтирилаётган транспорт воситалари ҳам зарар етказмоқда. Божхона иттифоқи ишлай бошлаганидан буён ўзбек ва украин автосаноати Қозоғистонга 33 мингта автомобиль келтирган.

«Бу ўтган йили Қозоғистон автомобиль ишлаб чиқарувчилари сотган умумий автомобиллар сонига тенг», — деди Алфёров.