Facebook фойдаланувчиларидан бири ижтимоий тармоқдаги «Водители Ташкента» («Тошкент ҳайдовчилари») гуруҳига «Запорожец»дан ясалган кабриолет суратини жойлади.
«Автомобиль устаси бўлган қўшним ўз ўғиллари учун арзонгинага «Запорожец» сотиб олди, — деб ёзади пост муаллифи. — Энди уни кабриолетга айлантириш билан овора».
Маълум бўлишича, автомобилсоз болаларининг ўз совғасидан фахрланишини истаган. Айни пайтда машинанинг томи, ён ва орқа ойналари ҳамда ромлари олиб ташланган. Фақат олд ойнанинг борлиги эски автомобилга кабриолет кўринишини бериб турибди.
Фойдаланувчи модернизация жараёни давом этаётганини қўшимча қилган. «Машина янада замонавийлашади, ҳозирча унинг кўриниши мана шундай», — дея суратга изоҳ берган.
Расмга қолдирилган фикрларда фойдаланувчилар Йўл ҳаракати хавфсизлиги бошқармаси ходимлари автомобилларнинг бундай кўринишда қайта ишланишига йўқ қўймаслигини билдирди.
Расм муаллифи уларга жавобан машинани фақат маҳалла ичида ҳайдашаётгани, асосий кўчага чиқишмаётганини айтди.
Изоҳ (0)