«Россия — Корея 2014» халқаро автопойгасига ўзбекистонликлардан иборат Captiva қўшилди

«Россия — Корея 2014» халқаро автопойгасига ўзбекистонлик корейслар Captiva автомобили билан қўшилди, дея хабар бермоқда Mytashkent.uz.

Маълум бўлишича, Captiva’ни Kaleon компанияси асосчиси Квак Василий Леонидович Корея маданият маркази учун сотиб олган.

Эслатиб ўтамиз, 7 июлда бошланган «Россия — Корея 2014» халқаро автомобиль пойгаси  иштирокчилари 13 июль кечқурун Тошкентга кириб келди. Пойга иштирокчилари икки кун — 14—15 июлда Тошкентда ҳаракатланиб, 16 июль куни йўналишдаги кейинги нуқта томон йўл олади.

«Россия — Корея 2014» автомобиль пойгаси кореяликларнинг ўз ихтиёри билан Россияга кўчганининг 150 йиллиги ҳамда Россия ва Корея ўртасида дипломатик алоқалар ўрнатилганига 130 йил тўлгани муносабати билан ташкил этилди.

Пойга қатнашчилари бир ярим ой мобайнида Москва — Тошкент — Олма-Ота — Новосибирск — Владивосток — Пхенян — Сеул йўналишида ҳаракатланади. «Россия — Корея 2014» халқаро автомобиль пойгаси 25 августда ўз ниҳоясига етади.