2011 йилдан буён XXIII қишки Олимпиада ўйинларининг ташкилий қўмитасига раҳбарлик қилиб келаётган Ким Чжин-Сун истеъфога чиқишини маълум қилди. Бу ҳақда Ўзбекистон Миллий Олимпия қўмитаси хабар берди.
Ким Чжин-Сун ўз қарорини 2018 йилнинг 9—25 февраль кунлари Жанубий Кореянинг Пхёнчхан шаҳрида ўтказиладиган қишки ўйинларни муваффақиятли ташкил этиш учун қўмитага янги раҳбар зарурлиги билан изоҳлади.
Эслатиб ўтамиз, XXIII қишки Олимпиада ўйинларининг Пхёнчханда ўтказилиши 2011 йилнинг 6 июль куни Халқаро Олимпия Қўмитасининг Дурбан шаҳри (ЖАР)да ўтказилган сессиясида эълон қилинган эди.
Изоҳ (0)