Давралар оралиғида дастлабки ўқув-машғулот йиғинини Чорвоқда ўтказган «Металлург» футбол клуби 12 июлдан Чирчиқ шаҳрига қайтди. Жисмоний юкламага эга бўлган футболчилар эндиликда ҳар куни тўп билан амалий машғулотларни давом эттирмоқда. Ўз навбатида клуб раҳбарияти кўрик учрашувларини ўтказиш режасини ҳам ишлаб чиқди. Бу ҳақда Uff.uz хабар берди.
Унга кўра бекободликлар 18 июль куни Чирчиқ шаҳрида Фарғонанинг «Нефтчи» жамоаси билан куч синашишади. 22 июль Рустам Мирсодиқов шогирдлари «Бухоро» жамоасига қарши майдонга тушса, 24 июлда Тошкентда Ўзбекистон миллий терма жамоаси билан ўйин ўтказилиши режалаштирилмоқда.
Бекободликлар ҳужумчиси Шаҳзодбек Нурматов шу куни Миржалол Қосимов раҳбарлигида қадрдон жамоасига қарши майдонга чиқиши кутиляпти.
Изоҳ (0)