13 июль, якшанба куни Россиянинг Ростов вилоятидаги отишмалар натижасида бир нафар Россия фуқароси ҳалок бўлди, яна икки киши жиддий жароҳатланди. Турар жой биносига эса Украина ҳудудидан отилган фугас снаряди келиб тушди. Бу ҳақда Euronews хабар берди.
Россия ташқи ишлар вазирлиги бунга нисбатан норозилик билдирди ҳамда қатъий ва аниқ дипломатик ҳаракатлар (демарш)ни амалга оширишга ваъда берди. Украинанинг Россиядаги элчисига нота топширилди, унда «ушбу ҳодиса қайтариб бўлмас оқибатларга олиб келиши мумкинлиги» таъкидланди.
Украина Миллий хавфсизлик ва мудофаа кенгашидагилар эса Россия ҳудудининг ўққа тутилгани ҳақидаги хабарни рад этди.
Изоҳ (0)