Марс шоколад компанияси асосчилари 60 млрд доллар сармоя билан АҚШдаги учинчи энг бой оила деб тан олинди

Бугунги кунда «Рокфеллер каби бадавлат» деган ибора ўз долзарблигини йўқотди. Forbes нашри ҳисоблаб чиқишича, нефт магнати оиласи 10 миллиард долларлик маблағ билан АҚШдаги энг бой оилалар рўйхатида «атиги» 24-ўринга тушиб қолган. Бу ҳақда Gazeta.ru хабар берди.

Рейтингга кўра, АҚШда 1 миллиард доллардан кўп сармояга эга 185 та оила истиқомат қилади. Ушбу рўйхатда биринчи ўринни 152 миллиард билан 1962 йилда асос солинган Wал Март дўконлар тармоғи эгалари эгаллади. Тармоқнинг ўтган йилги даромади 476 миллиард долларни ташкил этди.

Иккинчи поғонани 89 миллиард доллар сармоя билан Коч Индустриэс компанияси эгалари ака-ука Кохлар банд этди. Холдингнинг йиллик даромади 115 миллиард долларга тенг.

Рейтингнинг учинчи ўрнини эса америкалик «шоколад қироллари» — Марс оиласи 60 миллиард доллар билан эгаллади. Марс, Боунтй, Сниcкерс, Тwих каби таниқли бренддаги шоколад батонларини ишлаб чиқарувчи Марс компанияси 1911 йилда ташкил қилинган.

Рўйхатдан Cампбелл Соуп Cомпанй — консерваланган шўрва ишлаб чиқарувчи компания эгаси Дорранслар оиласи (12,8 миллиард долларлик активлар билан), вино ишлаб чиқарувчи Э&Ж Галло Wинерй компанияси асосчилари Галло оиласи (9,7 миллиард доллар), Энтерприсе Продуcц нефт-газ компанияси асосчилари Дунканлар оиласи (25,4 миллиард доллар) ва бошқалар ўрин олган.