Мексикадаги Сан Педро Уамелула балиқчилар шаҳарчасининг мэри тимсоҳга уйланди, деб хабар берди Sky News.
Маҳаллий иримларга кўра, тимсоҳ аслида сеҳрланган малика бўлиб, мазкур никоҳ балиқ, қисқичбақа сингари денгиз маҳсулотларини овлашда шаҳар аҳолисига омад олиб келади. Маҳаллий кексаларнинг айтишича, ушбу қадрият аждодлардан авлодларга мерос бўлиб қолган «буюк хазина».
Келинлик либоси билан кийинтирилган «малика» никоҳ маросимидан аввал Сан Педро шаҳрини айланиб, аҳоли билан танишди.
Маросимдан сўнг шаҳар мэри Хоэль Васкес Рохас ёш малика билан турмуш қуриш унинг орзуси бўлганлигини айтиб, «рафиқа»си билан рақсга тушди.
Никоҳ маросими харажатлари учун маблағ шаҳар аҳолисидан йиғиб олинди. Пул тўлашдан бош тортганлар жазоланди.
Изоҳ (0)