ФИФА рефериси Равшан Эрматов футбол бўйича жаҳон чемпионатида бошқарилган матчлар сони бўйича рекордни такрорлади, дея хабар берди UzDaily.
26 июнь куни Равшан Эрматов Германия ва АҚШ жамоалари ўртасидаги баҳсга ҳакамлик қилди. Бу унинг жаҳон чемпионатларидаги саккизинчи матчи бўлди.
Ҳамюртимиз у каби саккизта учрашувни бошқарган Жоэль Кинью (Франция), Хорхе Ларрионда (Уругвай) ва Бенито Арчундиа (Мексика)лар рекордини такрорлади.
Эслатиб ўтамиз, Равшан Эрматов 2010 йил ЖАРда бўлиб ўтган футбол бўйича жаҳон чемпионатида бешта учрашувга ҳакамлик қилган. Жорий турнирда эса у учта матчни бошқаришга улгурди, унинг янги рекорд ўрнатиш эҳтимоли катта.
Изоҳ (0)