29 июнь куни Apple компанияси ўзининг илк iPhone’ни сотувга чиқарганига 7 йил бўлди. Бу ҳақда Time журнали хабар берди.
iPhone’нинг 7 йил давомидаги ютуқлари ҳақида қуйида танишинг:
- 2007 йил, 29 июнь. iPhone смартфонлари сотувга чиқди;
- Орадан 74 кун ўтиб, 2007 йилнинг 19 сентябрида миллионинчи iPhone сотилди;
- 2007 йил, 12 ноябрь. Time журнали iPhone’ни «Йилнинг энг яхши ихтироси» деб эълон қилди;
- 2008 йил, 9 июнь. Apple компанияси iPhone 3G смартфонини тақдим этди;
- 2008 йил, 11 июль. iPhone 3G сотувга чиқди ва 500та юклаб олиш мумкин бўлган дастурларга эга App Store ишга туширилди;
- 2008 йил, 14 июль. Миллионинчи iPhone 3G смартфони сотилди ва App Store’дан юклаб олинган дастурлар сони 10 миллионга етди;
- 2008 йил, 9 сентябрь. App Store’дан юклаб олинган дастурлар сони 100 миллионга етди. Ўшанда App Store’да 3000дан ортиқ дастур мавжуд бўлган;
- 2008 йил, 6 ноябрь. iPhone ўзининг илк ютуғи – JD Power & Associates’ни қўлга киритди;
- 2009 йил, 17 март. Apple iPhone OS 3.0 операцион тизимини тақдим этди;
- 2009 йил, 24 апрель. App Store’дан юклаб олинган дастурлар сони 1 миллиардга етди;
- 2009 йил, 9 июнь. iPhone 3GS смартфони эълон қилинди;
- 2009 йил, 28 сентябрь. App Store’даги юклаб олишлар сони 2 миллиардга етди;
- 2009 йил, 4 ноябрь. App Store’даги дастурлар сони 100 мингдан ошди;
- 2010 йил, 5 январь. App Store’дан юклаб олинган дастурлар сони 3 миллиард бўлди;
- 2010 йил, 8 апрель. 85 миллиондан ортиқ iOS фойдаланувчилари ва App Store’да 185 мингта дастур қайд этилди;
- 2010 йил, 7 июнь. Apple компанияси iPhone 4 смартфонини тақдим этди;
- 2010 йил, 28 июнь. 1 700 000та iPhone 4 сотилди;
- 2011 йил, 15 апрель. App Store’дан юклаб олинган дастурлар сони 15 миллиардга, iOS фойдаланувчилари эса 200 миллионга етди;
- 2011 йил, 4 октябрь. iPhone 4s, iOS 5, iCloud ва Siri тақдим этилди;
- 2011 йил, 17 октябрь. 24 соат ичида бир миллиондан ортиқ iPhone 4s буюртма қилинди;
- 2012 йил, 5 март. App Store’дан юклаб олинган дастурлар сони 25 миллиарддан ошди;
- 2013 йил, 7 январь. App Store’дан юклаб олинган дастурлар сони 40 миллиардга етди;
- 2013 йил, 2 февраль. iTunes’дан 25 миллиардинчи мусиқа юклаб олинди;
- 2013 йил, 10 июнь. iOS 7 операцион тизими тақдим этилди;
- 2013 йил, 10 сентябрь. Apple iPhone 5s ва 5c смартфонларини тақдим этди;
- 2013 йил, 23 сентябрь. Apple сотган iPhone 5s ва 5c смартфонлари сони 9 миллионга етди;
- 2014 йил, 2 июнь. Apple iOS 8 операцион тизимининг бета версиясини тақдим этди.
Изоҳ (0)