ЖЧ — 2014 гуруҳ босқичи сўнгги 3-туридан ўрин олган Голландия – Чили учрашуви ўз ниҳоясига етди ва унда «Учар голландлар» 2:0 ҳисобидаги ғалабани қўлга киритишди. Бу ҳақда Uff.uz хабар берди.
Бу ғалаба Луи Ван Гал шогирдларига «B» гуруҳидаги биринчи ўринни тақдим этди.
Учрашув биринчи бўлими анча зерикарли ўтди. Икки жамоа ҳам келаси босқичга чиққан, бу учрашув айнан ким биринчи ўриндан плей-офф босқичига чиқади деган саволга жавоб топиб бериши керак эди.
Чили терма жамоаси Бразилияга тўқнаш келиш хавфи бор эканлигини билиб олдинга интилди, бироқ голландлар яхши ҳимояланишди ва биринчи бўлимда рақибларига имконият қолдиришмади.
Иккинчи бўлимдан бошлаб Голландиянинг қарши ҳужумлари ранг-баранг кўриниш олди. Майдонга тезкор Депай ва марказий ярим ҳимоячи Фер туширилди. 77-дақиқага келиб бурчак тўпидан сўнг Ван Гал шогирдлари тўпни жарима майдонига ташлашди, у ерда рақибларидан қочишга муваффақ бўлган Фер ҳисобни очди, 1:0.
Учрашувга қўшиб берилган дақиқаларда Голландия бу мусобақадаги энг кучли қуроли – қарши ҳужумни қандай амалга ошириш керак эканини барчага кўрсатиб қўйди. Де Йонг аввалига рақибдан тўпни олиб қўйди ва қанотдан ҳужумни қўллаётган Роббенга тўпни узатди, Арен ҳар доимгидек рақибдан қочиб кетди ва жарима майдони марказига узатма берди, у ерда Депай чаққон ҳаракат қилиб, ҳисобни 2:0 га етказди.
Шу тариқа ўйин Голландия фойдасига якунланди, бироқ Чили ҳам аввалги 2 турдаги ғалабалари эвазига иккинчи ўриндан плей-офф босқичига йўлланмани қўлга киритди.
ЖЧ — 2014«Б» гуруҳи
Голландия – Чили 2:0 (0:0, 2:0)Голлар: 1:0 – 77 Фер, 2:0 – 90 Депай.Голландия – Силессен, Янмат, де Врей, Влар, Блинд, Н. де Йонг, Вейналдум, Снейдер (Фер, 75), Роббен, Кюйт (Конголо, 89), Ленс (Депай, 69).Чили – Браво, Хара, Медель, Сильва (Вальдивия, 70), Исла, Диас, Гутьеррес (Босежур, 46), Мена, Арангис, Санчес, Варгас (Пинилья, 81).Огоҳлантиришлар: Сильва (25), Блинд (64).
Изоҳ (0)