Жаҳон чемпионати мусобақаларининг «G» гуруҳи 2-туридан ўрин олган АҚШ ҳамда Португалия терма жамоалари ўртасидаги учрашув ниҳоясига етди. Унда 2:2 ҳисоби қайд этилиб, жанговор дуранг кўринишида якунланди, деб ёзади Uff.uz.
Дастлаб, Нани ўйиннинг 5-дақиқасиданоқ жамоасини олдинга олиб чиқди. Киритилган голдан сўнг АҚШ футболчилари олдинга ташланишди ва ҳужумларни тиндиришмади. Лекин, португалияликлар ўз дарвозалари дахлсизлигини сақлаб қола олишди. Биринчи бўлимда бошқа ҳисоб ўзгармади.
Иккинчи бўлимда Клинсман бир қатор кўрсатмалар берди чоғи, АҚШ яхшироқ ўйнай бошлади. Шундай ҳужумларнинг самараси ўлароқ, Жонс 64-дақиқада ҳисобни тенглаштирди. 1:1 ҳисобидан сўнг ўйин анча кучайиб борди. 81-дақиқада Демпси қорни билан дарвозани ишғол қилди ва АҚШни олдинга олиб чиқди. Гўёки Португалия учун ҳаммаси тугагандек бир пайтда Варела жавоб голни йўллади. Таблода эса 90+5 дақиқа порлаб турарди.
Шу тариқа жамоалар дуранг қайд этишиб, биттадан очкога эга бўлишди. Ҳали икки жамоада ҳам кейинги босқичга чиқиш имкони сақланиб турибди.
Жаҳон чемпионати, 2-тур «G» гуруҳиАҚШ – Португалия — 2:2Голлар: 0:1 – 5 Нани, 1:1 – 64 Жонс, 2:1 – 81 Демпси, 2:2 – 90+5 Варела.АҚШ – Ховард, Жонсон, Кемерон, Безлер, Бисли, Бредли, Жонс, Бедойя (Едлин, 72), Беккерман, Зуси (Гонсалес, 90), Демпси (Вондоловски, 87).Португалия – Бету, Перейра, Алвеш, Кошта, Алмейда (Карвалю, 46), Велозу, Моутиню, Нани, Мейрелеш (Варела, 69), Роналду, Поштига (Эдер, 16).Огоҳлантиришлар: Жонс (75).
Изоҳ (0)