Жаҳон чемпионати, «H» гуруҳи, иккинчи турида Бельгия терма жамоаси Россияга қарши майдонга тушди ва кичик ҳисобда ғалабага эришди, дея хабар беради Uff.uz.
Учрашувдаги ягона голни 88-дақиқада Ориги киритди. Лукакунинг ўрнига майдонга тушган ҳужумчи Бельгия ўйинига ранг-баранглик олиб кира олди.
Гол киритилган вазиятда Россия терма жамоаси ҳужумга ўтишда уқувсиз ҳаракат қилди ва Бельгия футболчилари тезкор қарши ҳужум уюштирдилар. Ориги тўпни қанотдан жарима майдончасига кириб бораётган Эден Азарга етказиб берди. Азар жарима майдончасида икки ҳимоячини ортда қолдириб, тўпни яна қулай вазиятга чиққан Оригига қайтарди. Маҳоратли ҳужумчи сўнгги зарбада адашмади ва ҳисоб 1:0.
Шундан сўнг ҳам Бельгияда яна иккита қулай имконият бўлди. Аммо сўнгги зарбада аниқлик етишмади. Аксинча, ҳисобни тенглаштириши лозим бўлган Россия терма жамоаси бирорта ҳам тайинли ҳужум ташкил қила олмади. Шу тариқа Бельгия терма жамоаси ҳақли ғалабага эришди ва плей-офф йўлланмасини нақд қилиб қўйди.
ЖЧ — 2014Бельгия – Россия 1:0 (0:0, 1:0)Гол: 1:0 – 88 Ориги.Бельгия – Куртуа, Алдервейрелд, Компани, ван Бейтен, Вермален (Вертонген, 31), Вицел, Феллайни, Мертенс (Мираляс, 75), де Брюйне, Э. Азар, Лукаку (Ориги, 57).Россия – Акинфеев, Козлов (Ешенко, 62), B.Березуцкий, Игнашевич, Д.Комбаров, Глушаков, Файзулин, Самедов (Кержаков, 90), Шатов (Дзагоев, 83), Канунников, Кокорин.Огоҳлантиришлар: Глушаков (38), Вицел (54), Алдервейрелд (73).
Изоҳ (0)