НАТО қўшинлари 2003 йилдаги уруш давомида Ироқдаги турар жой туманларида парчаланган уранли қуролдан фойдаланган. Коалиция қўшинлари низо қурбонлари сони минимал миқдорда бўлишини таъминлаб, бундай қуролларни эса танкли техникаларга қарши қўллаши керак бўлган. Бу ҳақда The Guardian маълумотига таяниб, «РИА Новости» хабар берди.
Голландиядаги нотижорат ташкилоти эълон қилган маърузада америкалик ҳарбийлар парчаланган уранли қурол ишлатган жойлар координаталари фош этилган. Мамлакатнинг аҳоли зич ҳудудларида жами 10 мингта снаряд отилган. Бутун уруш давомида эса бундай снарядларнинг 300 мингдан ортиғи қўлланилган.
Ироқдаги 300 дан ортиқ аҳоли пунктларида радиация тарқалган, ушбу ҳудудларни тозалашга 30 миллион доллар керак бўлади.
Изоҳ (0)