Хитойлик миллиардер Нью-Йоркда минглаб америкалик қашшоқларни тушликка таклиф қилди

Хитойлик миллиардер Чэнь Гуанбяо минглаб камбағал америкаликларни ресторанга тушлик қилиш учун таклиф қилди. Тушликдан ташқари, ташриф буюрганлар 300 доллар пулга ҳам эга бўладилар. Бу ҳақда «ИТАР-ТАСС» хабар берди.

Ушбу тушликка таклифномалар New York Times ва Wall Street Journal газеталарида реклама сифатида жойлаштирилди. «Мен бу ишим билан Хитойда ҳам инсонпарвар кишилар борлигини исботламоқчиман», — дейди миллиардер South China Morning Post газетасига берган интервьюсида.

Миллиардернинг айтишича, унинг таклифларига 250 киши жавоб ёзган. Лекин бўш жой қолмаслигига ҳеч қандай шубҳа бўлиши мумкин эмас. Хайрия тушлиги 25 июнь куни «Боат ҳаус» ресторанида бўлиб ўтади. Шунингдек, тадбир ташкилотчиси меҳмонларга Майкл Жексоннинг   машҳур «We Are the World» қўшиғини куйлаб беради.

Чэнь Гуанбяо ўз бойлигига қурилиш чиқиндиларини қайта ишлаш орқали эришган бўлиб, у ўзининг ғалати хатти-ҳаракатлари билан машҳурдир. 2008 йили у Сичуан кўчаларида зилзиладан жабр кўрган кишиларга пул улашган.

Бир неча йил аввал бизнесмен тортишувларга сабаб бўлган Дяоюйдао оролларининг Хитойга тегишли эканлигини New York Times газетасида «тантанали эълон қилган». Шу билан бирга, бизнесмен Американинг энг машҳур газеталаридан бири бўлган New York Times газетасини сотиб олишга ҳам қарши эмаслигини айтиб ўтган.