19 июнь, пайшанба куни Украина шарқида айирмачилар отрядлари ва украин армияси ўртасидаги оғир қуролли тўқнашувлар қайта бошланди. «Донецк Халқ Республикаси» вакиллари Ямполь ва Красний Лимандаги жанглар ҳақида хабар берган. БМТ ҳисоботларига кўра, қарама-қаршиликларда ҳалок бўлганлар сони 350 дан ошган. Уларнинг кўпчилиги тинч аҳоли вакилларидир, деб ёзади Euronews.
НАТО бош котиби Андерс фог Расмуссен Украина чегарасида Россия ҳарбий ёрдами кўпайгани кузатилганини айтган.
БМТнинг инсон ҳуқуқлари бўйича комиссари Женевадаги бошқармаси вакили Жанни Магаззени юзага келган вазият инсон ҳуқуқларига риоя қилиш билан боғлиқ қатор муаммоларни келтириб чиқаришини таъкидлади.
Ўз навбатида, Кремль маъмурияти раҳбари Сергей Иванов Украинага ҳеч қандай ёрдам берилмаётганини айтмоқда.
Изоҳ (0)