Россия Федерациясига қарашли Карелия Республикасидаги Петрозаводск давлат университети шу йили қатор ўзбекистонликларни талабалар сафига қабул қилиши мумкин. Бу ҳақда Gazeta-petrozavodsk.ru хабар берди.
«Яқинда Карелия университетида Тошкентдаги хорижий талабаларни жалб этиш билан шуғулланувчи компаниялардан бири билан телемулоқот ўтказилди», — дейилади хабарда. Унда маълум қилинишича, Ўзбекистон ёшларининг кўпчилиги Петрозаводскда муҳандислик, юриспруденция, иқтисодиёт, бизнес ва менежмент соҳаларида ўқишга қизиқади.
«Бундай дастурлар ҳар иккала томон учун манфаатлидир, — дейилади хабарда. — Ўзбекистон малакали мутахассисларга эга бўлса, Россия ҳамкорликда илмий тадқиқотлар олиб бориш имкониятини қўлга киритади».
Изоҳ (0)