Германиянинг ThyssenKrupp компанияси Навоий вилоятидаги кимё мажмуаси қурилишида қатнашишни режалаштирмоқда. Бу ҳақда UzDaily хабар берди. Батафсил музокаралар яқин ойларда бошланади.
2013 йил майида «Навоийазот» ОАЖ 900 минг тонна аммиак ва 1 миллион тонна карбамид ишлаб чиқариш қувватига эга мажмуани қуриб, тайёр ҳолатда топшириш учун дастлабки қиймати 800 миллион долларга тенг тендер эълон қилган эди.
2014 йил январида юқори нархи сабабли тандер амалга ошмаган деб эълон қилинди ва тўғридан-тўғри музокаралар орқали инвесторларни жалб этишга қарор қилинди.
Умумий қиймати 961,7 миллион доллар бўлган лойиҳа чет эл кредитлари ва ўзбек томони маблағлари ҳисобидан молиялаштирилади.
«Навоийазот» Ўзбекистондаги энг йирик кимёвий корхона бўлиб, 1964 йилда ишга туширилган. Завод азот ўғитлар, нитрон тола ва бошқалар ишлаб чиқаришга ихисослашган.
Изоҳ (0)