Украинанинг янги сайланган президенти Пётр Порошенко пайшанба куни Славянскда халқ аскарлари томонидан Украина ҳарбий-ҳаво кучларига тегишли вертолёт уриб туширилиши натижасида ҳалок бўлган 12 нафар ҳарбий хизматчи, жумладан генерал майор Сергей Кулчицкий оилаларига ҳамдардлик билдирди. Бу ҳақда Euronews хабар берди.
Порошенко «Украина халқи душманларининг жинояткорона хатти-ҳаракатлари жазосиз қолмаслиги»ни таъкидлади.
Вертолёт Славянск шаҳридаги Черновий Молочар туманида уриб туширилган. Аввалроқ бу туман артиллерияда ўққа тутилган эди. Снарядлардан бири турар-жойни вайрон қилган.
Славянскдан келиб тушган маълумотларга кўра, украин армияси турар-жой даҳаларини ўққа тутган. Қамал қилинган шаҳардан чиқиб кетмоқчи бўлган тинч аҳолини кучлар қўйиб юбормаган. Бироқ яқинда шаҳардан 200 бола Қримдаги «Артек» оромгоҳига юборилган. Яна 300 нафари яқин орада қўшни шаҳарларга жўнатилади.
Донецк халқ республикаси вакиллари Украина кучларини халқаро конвенцияларда тақиқланган қурол-анжомлардан фойдаланганликда айбламоқда.
Изоҳ (0)