Ҳиндистоннинг Уттар-Прадеш штатида ўсмир опа-сингилларнинг ваҳшиёна тарзда зўрланиши ва ўлдирилиши ирқчилик жинояти деб ҳам тан олинмоқда. Бу ҳақда Euronews хабар берди.
Қурбонларнинг отаси маълум қилишича, сешанба куни кечқурун қизлар ҳожат учун ташқарига чиқиб кетишган. Улар анча вақтгача қайтиб келавермагач, ота маҳаллий полициячиларга мурожаат қилган. Полиция ходимлари унга жавобан шунчаки кулиб қўйиб, энг қуйи кастага тегишли қизларни қидиришдан бош тортган.
Чоршанба куни тонгда эса Катра қишлоғи аҳолиси қизларнинг манго дарахтига осиб қўйилганини кўришган.
Эслатиб ўтамиз, Ҳиндистонда 14 ва 15 ёшли опа-сингилларни бир неча киши зўрлаб, сўнг бўғиб ўлдиришган ва мурдаларини манго дарахтига осиб қўйишган. Улар маҳаллий иерархиядаги энг қуйи кастага тегишли бўлган.
Жиноятни содир этишда гумон қилиниб, уч киши ҳибсга олинди, улардан икки нафари полициячилардир. Маҳаллий полиция ходимларининг баъзилари ўз вазифасидан четлаштирилган ва айни пайтда сўроқ қилинмоқда.
Изоҳ (0)