«Бу йил ёз фаслининг одатдан ташқари даражада иссиқ бўлиши ҳақидаги гап-сўзларни жиддий қабул қилманг. Бундай узоқ муддат вақт учун об-ҳавони прогноз қилиб бўлмайди», – деди Ўзбекистон Гидрометеорология маркази бош синоптиги Ирина Зайцева Anhor.uz'га берган интервьюсида.
Синоптикнинг таъкидлашича, яқин 3–4 ойда бизни қандай об-ҳаво кутаётганини тахминий айтиш мумкин холос. «Тахминлар ҳамиша ҳам тўғри чиқмайди», – деди у.
«Бу йил ёзда ҳам жазирама даврлар бўлиши табиий – бу ҳар йили бўладиган ҳодиса», – дея таъкидлади Ирина Зайцева. Шунингдек у очиқ ҳавога ўрнатилган термометрларга ишонмасликни, улар қизиб кетган датчиклардаги ҳароратни кўрсатишини айтди. Маълум бўлишича, Тошкентда қайд этилган энг юқори ҳарорат – 44,6 даража.
Изоҳ (0)