АҚШнинг Оклахома штатидаги маҳбуснинг ўлим жазоси назоратдан чиқиб кетди. Бу ҳақда press-report.ru хабар берди.
Ўлим келтирувчи инексия юборилгач, 38 ёшли Клейтон Локетт кутилганидек дарҳол эмас, 20 дақиқадан сўнг жон берди. Аввал синаб кўрилмаган препарат маҳаллий вақт билан 18:23 да укол қилинган, бироқ 18:37 да ҳам у сапчиб-сапчиб тушиб, тириклик белгиларини берган. Локетт ўзига кела бошлагач, қамоқхона директори ўлим жазосини тўхтатишга буйруқ берган. Кейинроқ маъмурият маҳбуснинг барча учта инексияни қабул қилиб, юраги тўхташи натижасида вафот этганини билдирган.
Ҳукм ижросининг узоқ вақтга чўзилиб кетиши сабаби аниқ эмас. Маҳкумнинг венаси ёрилиб кетиб, заҳарли модда қонга етиб бора олмагани тахмин қилинмоқда.
Шу кунга режалаштирилган Чарлз Уорнернинг ўлим жазоси воқеа натижасида икки ҳафта кейинга қолдирилди.
Локетт ва Уорнер аввалроқ инексия таркибини ошкор қилиш талаби билан судга мурожаат қилган эди.
Изоҳ (0)