Сноуден Вашингтон билан жазони енгиллатиш бўйича битимга эришмоқчи
Россияда Америка махсус хизматидан яширинаётган Эдвард Сноуден Вашингтон билан музокараларга киришмоқчи. Бу билан у ўз ватанига қайтиш имкониятига эга бўлиш ниятида, дея хабар берди vesti.ru.
Музокаралар 2013 йил ёзидаёқ бошланган, бироқ бу ҳақда энди маълум бўлган. Сноуден Америка прокуратураси билан унга берилиши мумкин бўлган жазони юмшатиш ҳақида келишувга эришмоқчи. Музокараларда Сноуден манфаатларини америкалик адвокат Плато Качерис ҳимоя қилмоқда, у авваллари совет ва рус информаторларини ҳимоя қилган.
Бироқ Америка прокуратураси ҳозирча айбловни юмшатиш учун етарли асос йўқлигини таъкидламоқда. Шу билан бирга, 2013 йилнинг декабрида ўша вақтда МХА раҳбари бўлган Ричард Лежетт, агарда Сноуден ҳали эълон қилиб улгурмаган ҳужжатларни фош этмасликка кафиллик берса, унга қўйилган айбловлар юмшатилишини айтган эди.
МХА ходимларининг ўзлари ҳам Сноуден айнан қандай ҳужжатларни ўғирлаганини аниқ билишмайди. Махсус хизмат собиқ ходимининг ўзи эса 1,7 миллионта махфий ҳужжатга эгалигини таъкидлаган. Уларнинг энг муҳимлари Сноуден вафот этган тақдирда овоза қилинади.
