Куба Республикаси раҳбарияти Россия Федерациясининг Украинадаги вазият юзасидан позициясини қўллаб-қувватлайди ҳамда санкциялар ва қўшалоқ стандартларга қарши чиқади. Бу Сергей Лавровнинг Кубага ташрифи якунида маълум бўлди, дея хабар берди «РИА Новости».
Россия ташқи ишлар вазири Куба Республикаси Давлат кенгаши ва вазирлар кенгаши раиси Раул Кастро томонидан қабул қилинди. Бундан ташқари, ташқи ишлар вазири Бруно Родригес ва Куба инқилоби етакчиси Фидел Кастро билан суҳбатлар қилди.
Россия ТИВ маълумотларига кўра, Куба Россиянинг Украинадаги вазият юзасидан позициясини қўллаб-қувватлаши ҳамда санкциялар ва қўшалоқ стандартларга қарши чиқишини билдирган. Лавров, ўз навбатида АҚШ томонидан Кубага қарши киритилган иқтисодий, савдо ва молиявий қамални тўхтатиш зарурлигини таъкидлаган.
Дўстона муҳитда ўтган музокаралар чоғида икки томонлама ҳамкорлик масалалари ҳам кўрилган.
Изоҳ (0)