AQShning Oklaxoma shtatidagi mahbusning o‘lim jazosi nazoratdan chiqib ketdi. Bu haqda press-report.ru xabar berdi.
O‘lim keltiruvchi inyeksiya yuborilgach, 38 yoshli Kleyton Lokett kutilganidek darhol emas, 20 daqiqadan so‘ng jon berdi. Avval sinab ko‘rilmagan preparat mahalliy vaqt bilan 18:23 da ukol qilingan, biroq 18:37 da ham u sapchib-sapchib tushib, tiriklik belgilarini bergan. Lokett o‘ziga kela boshlagach, qamoqxona direktori o‘lim jazosini to‘xtatishga buyruq bergan. Keyinroq ma’muriyat mahbusning barcha uchta inyeksiyani qabul qilib, yuragi to‘xtashi natijasida vafot etganini bildirgan.
Hukm ijrosining uzoq vaqtga cho‘zilib ketishi sababi aniq emas. Mahkumning venasi yorilib ketib, zaharli modda qonga yetib bora olmagani taxmin qilinmoqda.
Shu kunga rejalashtirilgan Charlz Uornerning o‘lim jazosi voqea natijasida ikki hafta keyinga qoldirildi.
Lokett va Uorner avvalroq inyeksiya tarkibini oshkor qilish talabi bilan sudga murojaat qilgan edi.
Izoh (0)