Американинг IT-компаниялари қатор Россия банклари ва уларнинг тузилмаларига нисбатан эълон қилинган санкцияларга қўшилди. Бу ҳақда gazeta.ru хабар берди.
Нашрнинг «Россия» банкидаги манбаси айтишича, банкдагилар хорижий дастурий таъминотнинг «эрта-индин» ўчирилишини кутишмоқда.
Маълум бўлишича, Microsoft ва Oracle ходимлари санкцияга тушган банклардан бирининг вакили билан учрашган, бироқ ҳозирча уларни ўз дастурларидан узиб қўймаган. Айни пайтда банк мутахассислари Америка IT-компаниялари маҳсулотларини бошқаси билан алмаштириш бўйича шошилинч чоралар кўрмоқда.
Hewlett-Packard компанияси ҳам санкцияларга қўшилди ва банкларга зарур маҳсулот етказиб беришни тўхтатди. IT-компанияларнинг бири таъкидлашича, уларнинг АҚШ санкция эълон қилган компаниялар билан ҳамкорликни давом эттиришга ҳақлари йўқ.
Изоҳ (0)