Fransiyaning OAVni rivojlantirish agentligi (CFI), O‘zbekistondagi elchixonasi tomonidan AOKA, Jurnalistika va ommaviy kommunikatsiyalar universiteti va boshqa hamkorlar bilan birgalikda jurnalistlar mintaqaviy forumi boshlandi. Bu haqda prezident matbuot kotibi Sherzod Asadov xabar berdi.
Bugun bo‘lib o‘tgan ochilish marosimida prezident matbuot kotibi Sherzod Asadov ishtirok etdi.
Mintaqada ilk bor o‘tkazilayotgan hamda O‘zbekiston, Qozog‘iston, Qirg‘iziston, Tojikiston va Fransiya mutaxassislari va ekspertlarini to‘plagan forum dezinformatsiya, mediasavodxonlik, jurnalistika etikasi, OAVni raqamlashtirish va moliyalashtirish kabi tez o‘zgarib borayotgan dunyoda muhim ahamiyatga ega masalalar muhokamasiga bag‘ishlangan.
“Hamkorlarga ushbu muhim tadbirni tashkil etgani uchun minnatdorlik bildirib, ishtirokchilarga muhokamalar unumli, tajriba almashinuvi samarali bo‘lishini tilayman”, — deb yozadi Sherzod Asadov.
Izoh (0)