Navoiy viloyatida chorvasini boqishga tog‘ga borgan fuqaro jarlikka tushib ketdi. Bu haqda Navoiy shahar hokimligi xabar berdi.
Unga ko‘ra, Nurota tumani hududidagi Oqtog‘ tog‘ tizmalariga fuqaro chorva mollarini boqish maqsadida borib, jarlikka tushib ketgani va unga yordam zarurligi haqida xabar kelib tushgan. Xabarga asosan, zudlik bilan hodisa joyiga FVB qutqaruvchilari yetib borib, qidiruv-qutqaruv ishlarini olib borgan.
Olib borilgan tezkor harakatlar natijasida fuqaro jarohat bilan topilib, unga psixologik va birinchi tibbiy yordam ko‘rsatilgan hamda maxsus qutqaruv asbob-anjomlari yordamida xavfsiz joyga olib chiqilgan. Shuningdek, malakali tibbiy yordam ko‘rsatish maqsadida shifoxonaga yuborilgan. Shifokorlarning ma’lum qilishicha, hozirda uning ahvoli qoniqarli.
Izoh (0)