Prezidentning “Xokkey sport turini rivojlantirish va ommalashtirishning qo‘shimcha chora-tadbirlari to‘g‘risida”gi qaror loyihasi eʼlon qilindi.
Loyihada quyidagilar xokkey sport turini rivojlantirishning asosiy yo‘nalishlari etib belgilanadi:
- yoshlarni xokkey sport turiga qiziqishini oshirish, bu boradagi targ‘ibot ishlarini yanada kuchaytirish, ularning mazkur sport turi bilan shug‘ullanishi uchun yetarli shart-sharoitlarni yaratish;
- xokkey sport turi bo‘yicha terma jamoalar va sport klublari uchun sport zaxirasini yaratish, iqtidorli sportchilarni aniqlash, tanlash va saralash (seleksiya)ning raqamlashtirilgan tizimini joriy qilish;
- xokkey sport turi bo‘yicha sport infratuzilmasini yanada yaxshilash hamda xalqaro talablarga muvofiqlashtirish;
- xokkey sport turini rivojlantirish maqsadida chet ellik mutaxassislar, trener va sportchilarni jalb etish hamda ular bilan xalqaro hamkorlikni yanada kengaytirish;
- ommaviy axborot vositalari va ijtimoiy tarmoqlarda xokkey sport turi targ‘ib qilish hamda bu jarayonda axborot va multimedia mahsulotlaridan foydalanishni yanada kengaytirish.
Sport vazirligi hamda Oliy taʼlim, fan va innovatsiyalar vazirligi O‘zbekiston davlat jismoniy tarbiya va sport universiteti hamda O‘zbekiston xokkey federatsiyasi bilan birgalikda:
a) 2024/2025-o‘quv yilidan boshlab O‘zbekiston davlat jismoniy tarbiya va sport universitetining bakalavriat xokkey taʼlim yo‘nalishiga qabul qilish kvotalarini haqiqiy extiyojlardan kelib chiqib qayta ko‘rib chiqadi;
b) 2025-yildan boshlab har yili:
- xokkey sport turi bo‘yicha xalqaro tashkilotlar va xorijlik mutaxassislar ishtirokida seminar-treninglar, shuningdek, ilmiy-amaliy konferensiyalar va anjumanlar o‘tkazib boradi.
Sport vazirligi, O‘zbekiston Milliy olimpiya qo‘mitasi va O‘zbekiston xokkey federatsiyasining:
- innovatsion texnologiyalarga asoslangan, qimmat bo‘lmagan va energiya tejovchi materiallardan zamonaviy muz saroyini o‘z ichiga oluvchi Xokkey sport majmuasini barpo etish va foydalanishga topshirish;
- majmuani O‘zbekiston xokkey federatsiyasiga ishonchli boshqaruvga berish va ishonchli boshqaruv davrida majmuani saqlash xarajatlarini O‘zbekiston xokkey federatsiyasi mablag‘lari hisobidan moliyalashtirish to‘g‘risidagi takliflari maʼqullandi.
Izoh (0)