Июнь ойи — футбол бўйича Ўзбекистон терма жамоаси учун жуда омадли келди. Дастлаб, 5 июнь куни Абу Дабида футболчиларимиз жаҳон чемпионати йўлланмасини нақд қилган бўлса, кеча, 10 июнь куни ўз мухлислари кўз ўнгида Қатар устидан йирик ҳисобдаги ғалабани нишонлади.
Тўй тўйдай бўлди: футболга Ўзбекистон етакчиси Шавкат Мирзиёев шахсан ташриф буюрди ва барча футболчилар, мураббийлар ва ўзбек футболи жонкуярларини мукофотлади.
Яна бир эътиборли жиҳати — эришилган ғалаба халқаро сиёсий доираларнинг ҳам диққат марказида бўлди. Мамлакатимиз раҳбарининг ёнида Болгария президенти Румен Радев, Словакия бош вазири Роберт Фицо, Қозоғистон бош вазири Олжас Бектенов, Қирғизистон ҳукумати раиси Адилбек Касималиев, Тожикистон бош вазири Қоҳир Расулзода, Озарбайжон бош вазири Али Асадов, Туркманистон Вазирлар Маҳкамаси раиси ўринбосари Нокергули Атагулиев ва бошқа расмийлар ҳам бор эди.
-bOJH3FHc.avif)
Бошқа давлат раҳбарларининг бундай тадбирда иштирок этиши — бу шунчаки спортга қизиқиш эмас, балки Ўзбекистоннинг халқаро майдондаги обрўсига бўлган ҳурмат ва эътиборнинг ифодасидир. Футбол учрашуви давомида президентларнинг ўзаро муносабатлардаги самимийлик, Ўзбекистон президентига бўлган катта ҳурмат намоён бўлди. Меҳмонлар ҳар бир голни давлатимиз етакчиси билан бирга, катта хурсандчилик билан нишонлади.
Ўзаро ишонч ва ҳурматга қурилган бундай муносабатлар, албатта, иқтисодиётда ҳам ўз аксини топади. Буни инвестиция форумидаги келишувлардан, форум доирасидаги дипломатиядан ҳам билса бўлади.
Изоҳ (0)