Toshkent shahar IIBB energetika vaziri shikoyat arizasi bo‘yicha Otabek Bakirovga jinoyat ishi qo‘zg‘atishni rad etdi. Bu haqda iqtisodchi, bloger o‘zining Telegram kanalida ma’lum qildi.
Shikoyat Bakirovning Sag‘bon podstansiyasi bilan bog‘liq muammo haqida yozgan posti bilan bog‘liq edi. Vazir Jo‘rabek Mirzamahmudov organlarga shikoyat arizasini 2024-yil 10-oktyabr kuni taqdim etgan. Unda post mundarijasida haqorat va obro‘sizlantirish holatlari mavjudligi va bu bo‘yicha Otabek Bakirovga nisbatan tegishli tartibda chora ko‘rilishi lozimligi aytilgan.
“Olmazor tumanidagi Sag‘bon postansiyasi shunday stansiyaki, Mirzamahmudovning energetiklari zerikib qolsa yo transformator almashtirishadi yoki remont qilishadi”, deb yozgandi postda Otabek Bakirov.
Shuningdek, vazirdan “Kreml va ‘Gazprom’dagi og‘alarga oid vazifalardan bo‘shab”, shaxsan Sag‘bon podstansiyasiga kelishni so‘ragan. “U yerda yo milliardlarni o‘pirib turadigan qora o‘pqon bor yo ikkita tumanning yuvilmas qarg‘ishi tekkan”, deb yozgandi.
Post 2023-yil 5-iyun kuni, 1 yil-u 7 oy avval yozilgan. Vazir organlarga shikoyat arizasini 2024 yil 10 oktyabrda, ya’ni bir yil-u 4 oy o‘tib taqdim etgan. Jo‘rabek Mirzamahmudov arizasini “Lolazor” mehmoni bo‘lgach, 6 kun o‘tib qoldirgan.
Boshqarma qaroriga xususan, AOKAning Energetika vaziri shikoyat arizasida ko‘rsatilgan vajlar mavjud emasligi haqida tegishli ekspertiza xulosasi, shuningdek, shikoyatga sabab bo‘lgan post yozilganiga 1,5 yildan ko‘p vaqt o‘tganligi asos qilib ko‘rsatilgan.
“Ichki ishlar organlariga mazkur ish yuzasidan o‘tkazilgan tezkor surishtiruv va harakatlar uchun fuqaroviy tashakkur bildiraman”, deb yozdi Otabek Bakirov.
Izoh (1)
Зур. энергетика вазири халк учун ишламайди