Google yaqinda o‘zining MedGemma va MedSigLIP den nomlanuvchi ochiq kodli sun’iy intellekt (AI) modelini taqdim etdi. Ular rentgen va tomografiya tasvirlarini analiz qila oladi. Bu haqda Google Research xabar berdi.
Ushbu modellar ko‘krak qafasi rentgenogrammalari, turli xildagi tibbiy tasvirlar, hattoki kasallik tarixlarini ham tahlil qilish qobiliyatiga ega. Yangilik nafaqat tibbiy matnni o‘qiydi, balki ularni ko‘ra oladi.
MedGemma 27B tibbiy tasvirlar va yozuvlarni qayta ishlaydi. U tibbiy AI sohasidagi asosiy MedQA mezoni bo‘yicha 87,7 foiz ball to‘plashga muvaffaq bo‘lgan. Modelning avvalgi kichikroq versiyalari ham AQSH radiologlari tomonidan 81 foiz aniq deb topilgandi.
Boshqa pulli AI vositalaridan farqli o‘laroq, Google’ning ushbu modellarini bepul ravishda yuklab olish va foydalanish mumkin.
Google oldinroq Android telefonlarida internetga ulanmasdan ishlaydigan sun’iy intellektga ega AI Edge Gallery’ni taqdim etgandi. Bu yangilik foydalanuvchilarga o‘z qurilmalarida SI funksiyalaridan, masalan, tasvir yaratish, savollarga javob berish va kod yozish kabi imkoniyatlardan foydalanish imkonini beradi.
Izoh (0)