Amerikaning Google korporatsiyasi Google Translate dasturiga 110 ta yangi tilni qo‘llab-quvvatlash imkoniyatini qo‘shdi. Ilgari mazkur servisda 133 tildan boshqa tillarga tarjima qilish mumkin edi. Kompaniya joriy yangilanishni tarixdagi eng yirik yangilanish deb atadi.
Platformaga ko‘plab yangi tillarni o‘rganishga Google PaLM 2 til modeli yordam berdi. Mazkur model hind tiliga o‘xshash avadhi va marvadi kabi bir biriga yaqin tillarni o‘zlashtirishda qo‘l keldi.
Shuningdek, endilikda Google Translate orqali Seychellois Creole kabi fransuz kreol tillaridan ham tarjima qilish mumkin bo‘ldi.
Bundan tashqari, yangilanish uzoq vaqtdan beri platformada eng ko‘p so‘raladigan tillardan biri bo‘lgan kanton xitoy tilidan tarjima qilish imkoniyatini ham o‘z ichiga oladi. Tillarning to‘rtdan bir qismi Afrika mintaqasidan qo‘shilgan. Aksariyat tillarda kamida bir million, ba’zan esa yuz millionlab odamlar so‘zlashadi.
Izoh (0)