AQSH prezidenti Donald Trampga surunkali venoz yetishmovchiligi tashxisi qo‘yildi. Bu haqda Oq uy matbuotiga tayanib BBC xabar berdi.
Oq uy matbuot kotibi Karolin Levitt 17-iyul kuni prezidentning sog‘lig‘i haqida bayonot bergan. Unga ko‘ra, Trampning qo‘lida so‘nggi kunlarda ko‘karish va shishlar paydo bo‘lgan. Shu sabab prezident bir qancha tibbiy tahlillar topshirgan.
Prezidentning aspirin dorisini qabul qilib, odamlar bilan tez-tez qo‘l siqib ko‘rishishi ushbu ko‘karishlarga olib kelgani ma’lum qilindi. Bu esa yurak-qon tomir tizimida muammolar borligidan dalolat beradi.
Trampga rasman surunkali venoz yetishmovchiligi taxshxisi qo‘yilgan. Bu holatda oyoq va qo‘l tomirlarining qonni yurakka haydashida mummaolar yuzaga keladi. Oqibatda qon oyoq-qo‘llarda to‘planib, shishib ketadi.
Levittning aytishicha, prezidentda o‘tkir tomir trombozi yoki arterial kasallik aniqlanmagan va test natijalari mutlaqo normal. Oq uy shifokori Shon Barbabella ham bu borada jurnalistlarga intervyu bergan. Unga ko‘ra, bu kasallik xavfsiz va juda oddiy bo‘lib, u odatda 70 yoshdan oshgan odamlarda ko‘p uchraydi.
79 yoshli Tramp muntazam ravishda o‘zining sog‘lomligini ta’kidlab kelgan. Hatto u bir vaqtlar o‘zini “dunyodagi eng sog‘lom prezident” deb ta’riflagandi.
Izoh (0)