G‘azodagi falastinlik talabalarga o‘rta maktabni tugatish yakuniy imtihonlarini topshirishga ruxsat berildi. Bu haqda Al Jazeera xabar berdi.
Iyul oyi boshida ta’lim vazirligi 19-iyul kunidan boshlab imtihonlar o‘tkazilishini ma’lum qilgandi. Bu imtihonlar 2023-yil oktyabr oyida Isroil G‘azoga urush boshlaganidan beri birinchisi bo‘ladi.
Vazirlik elektron shaklda o‘tkaziladigan imtihonni topshirish uchun 1,5 mingga yaqin talaba ro‘yxatdan o‘tganini ma’lum qilgan. Ba’zi talabalar onlayn, boshqalari esa odatdagi tartibda imtihondan o‘tadi.
Urush boshlanganidan keyin G‘azodagi ko‘plab o‘quv muassasalarining faoliyati to‘xtatilgandi. Shu sabab ta’lim maxsus onlayn platformalar orqali bazo‘r olib borilayotgandi. Ushbu imtihonlar bilan sektordagi ta’lim tizimi ham qayta ishga tushishi rejalashtirilgan.
“Biz imtihonlarni onlayn topshiryapmiz, lekin bu oson bo‘lmayapti. Internet zaif, ko‘pchiligimizda qurilmalarning yetishmovchiligi bor. Test topshirish uchun xavfsiz joy katta muammo bo‘lmoqda. Kitoblarimiz ham bombardimonlarda yonib kul bo‘lgan”, dedi talabalardan biri.
BMT ma’lumotlariga ko‘ra, G‘azodagi urush ta’lim infratuzilmasining 95 foizi vayron bo‘lishiga va 660 mingdan ortiq bolaning bilim olishdan uzilib qolishiga olib kelgan.
Izoh (0)