Namibiyalik yosh yigit Simon Petrus SIM-karta va airtime’siz (efir vaqti) ishlaydigan mobil telefonni loyihalashtirdi. Bu haqda Africa Global News xabar berdi.
Qurilma an’anaviy uyali aloqa tarmoqlarini butunlay chetlab o‘tib, radiochastotalar yordamida qo‘ng‘iroqlarni amalga oshirish imkoniyatiga ega.
Simon talabalik davridayoq qayta ishlangan elektron qismlardan foydalanib, telefon yasashni boshlagan edi. U qisqa to‘lqinli chastotalar orqali boshqa radiolar bilan to‘g‘ridan-to‘g‘ri aloqa qila oladigan ishchi qurilmani yaratish uchun eski uy telefoni, televizor va ikki tomonlama radio tizimining tarkibiy qismlarini ulagan. Eng muhimi u SIM kartasiz va hech qanday trafik ham talab qilinmaydi. Bu amalda mustaqil aloqa tizimi hisoblanadi.
Telefon, shuningdek, qo‘shimcha funksiyalarni o‘z ichiga oladi: kichik televizor, LED chiroq, ventilyator va USB quvvatlash portlari. Ularning barchasi bitta quvvat manbaiga — oddiy radiatorli tizimga ulanadi.
Yosh ixtirochi birinchi marta maktab ilmiy yarmarkasida ixtironi taqdim etganida jamoatchilik e’tiborini tortgan. U mukofotni qo‘lga kiritib, mahalliy va xalqaro ommaviy axborot vositalarining e’tiboriga tushishga ulgurgan.
Ammo Petrus o‘rta maktabdan keyin universitetga kirishga qiynalgan. Oxir-oqibat u 2023-yilda elektronika muhandisligi bo‘yicha diplomni qo‘lga kiritgan. Hozirda esa uning ishsiz ekani aytilmoqda. Uning ixtirosi hali ham bozorga chiqarilmagan.
Izoh (0)