Toshkent shahar, Yashnobod tumanining Ohangaron shoh ko‘chasi 25-iyun soat 00:00 dan transport vositalari harakati uchun vaqtincha yopiladi. Bu haqda poytaxt IIBB YHXB xabar berdi.
Maʼlum qilinishicha, bunga qurilish-ta’mirlash ishlari olib borilishi sabab bo‘ladi. Cheklov 1-iyulgacha amal qiladi.
- Yo‘lning yopiladigan qismi: Temur Malik—Parkent—Maxtumquli ko‘chalari aylanma harakatidan, TXAY —Ohangaron shoh ko‘chalari aylanma harakatigacha.
Haydovchilarga Bektemir shoh ko‘chasi, Farg‘ona yo‘li, Maxtumquli va Yangi O‘zbekiston ko‘chalaridan harakatlanish tavsiya etilmoqda.
Izoh (0)