Toshkentda Qurbon hayiti namozi sabab ayrim ko‘chalar vaqtincha yopiladi

Toshkentda Qurbon hayiti namozi o‘qiladigan masjid atrofidagi ko‘chalar va yo‘llarda avtotransport vositalarining harakati vaqtincha to‘xtatiladi.

Poytaxt IIBB matbuot xizmatining ma’lum qilishicha, 6-iyun kuni Toshkentdagi 122 ta masjidda hayit namozi o‘qilishi kutilmoqda. Uni yuqori saviyada va tartibli o‘tkazish, fuqarolarga zarur shart-sharoit yaratish va ularning xavfsizligini ta’minlash maqsadida shu kuni soat 00:00 dan 08:00 gacha qator ko‘chalar va yo‘llarda avtotransport vositalarining harakati cheklanadi.

Mirzo Ulug‘bek tumani

• “To‘ra buva” masjidi oldidagi Buyuk Ipak yo‘li ko‘chasi – Sho‘rtepa ko‘chasidan Buyuk Ipak yo‘li – Sultoniya ko‘chasigacha.

Bektemir tumani

• “Xo‘ton” masjidi oldidagi Bektemir shohko‘chasi – Xusayn Boyqaro ko‘chasidan Bektemir yo‘li ko‘chasigacha.

Olmazor tumani

• “Islomobod” masjidi oldidagi KHAY ko‘chasi, KHAY – Sag‘bon ko‘chalari chorrahasidan Nurafshon – Sag‘bon ko‘chalari chorrahasigacha;
• “Hazrati imom” masjidi oldidagi Qorasaroy ko‘chasi, Qorasaroy – Nurafshon ko‘chalari chorrahasidan Qorasaroy – Abdulla Qodiriy ko‘chalari chorrahasigacha;
• “Do‘stjonboy” masjidi oldidagi Sag‘bon – Sag‘bon 12-tor ko‘chalari kesishmasidan Keles yo‘li – Noraztepa ko‘chalari chorrahasigacha.

Shayxontohur tumani

• “Shayx Zayniddin” masjidi oldidagi Ko‘kcha Darvoza – Nurafshon ko‘chalari chorrahasidan Ko‘kcha Darvoza – Beshqayrag‘och ko‘chalari chorrahasigacha;
• “Xo‘ja Allambardor” masjidi oldidagi Bunyodkor – Kamolon ko‘chalari chorrahasidan Kamolon – Ustazoda 2-tor ko‘chalari chorrahasigacha;
• “Kox ota” masjidi oldidagi Sebzor ko‘chasi Nurafshon – Sebzor ko‘chalari chorrahasidan Nurafshon – Labzak ko‘chalari chorrahasigacha.

Chilonzor tumani

• “Ubay ibn Ka’b” masjidi oldidagi Al Xorazmiy ko‘chasi, Al Xorazmiy – Xirmontepa ko‘chalari chorrahasidan, Al Xorazmiy – Katta qani chorrahasigacha;
• “Shayx Muhammad Sodiq Muhammad Yusuf” masjidi oldidagi So‘galli ota ko‘chasi, Al Xorazmiy – So‘galli ota ko‘chalari kesishmasidan, Xonabod 2-berk ko‘chasidan – So‘galli ota ko‘chasigacha;
• “Novza” masjidi oldidagi Bunyodkor – Muqimiy ko‘chalari kesishgan ko‘prik ostidan, Oliy Majlis binosi qarshisigacha

Uchtepa tumani

• “Abdulloh ibn Ma’sud” masjidi oldidagi Lutfiy ko‘chasi, Lutfiy – Xirmontepa ko‘chalari chorrahasidan, Lutfiy – Katta qa’ni ko‘chalari chorrahasigacha;
• “Hazrati Ali” masjidi oldidagi Nazarbek – Mahorat ko‘chalari chorrahasidan, Nazarbek – Zamaxshariy 1-tor ko‘chalari chorrahasigacha.

Yunusobod tumani

• “Minor” masjidi oldidagi KXAY ko‘chasi, KXAY – Ko‘rgazma ko‘chalari chorrahasidan, KXAY – Sh.Rashidov ko‘chalari chorrahasigacha;
• “Mirzo Yusuf” masjidi oldidagi Bog‘ishamol ko‘chasidan, Shivli ko‘chasigacha.

Yakkasaroy tumani

“Usmon bin Ma’zun” masjidi oldidagi KXAY ko‘chasi, KXAY – Qushbegi chorrahasidan, KXAY – Fayzli Toshkent ko‘chalari chorrahasigacha.

Sergeli tumani

• “Nurul Islom” masjidi oldidagi TXAY – Fayzli Toshkent ko‘chalari chorrahasidan, TXAY – Qumariq ko‘chalari chorrahasigacha.

Yashnobod tumani

• “Islom ota” masjidi oldidagi Farg‘ona yo‘li ko‘chasi, Farg‘ona yo‘li – Fitrat ko‘chalari chorrahasidan, Farg‘ona yo‘li – Tolimarjon ko‘chalari chorrahasigacha.

Mirobod tumani

• “Qo‘yliq ota” masjidi oldidagi TXAY ko‘chasi – Qo‘yliq bozori ko‘prik ostidan, TXAY – Munis ko‘chalari chorrahasigacha.

Masjidlar joylashgan boshqa ko‘chalarda ham avtotransport vositalarining harakati vaqtincha cheklanadi.  Fuqarolarga vaqtincha aylanma yo‘llardan foydalanish tavsiya etildi.

O‘zbekiston Musulmonlari idorasi bergan ma’lumotga ko‘ra, Toshkent shahridagi jome masjidlarda Qurbon hayiti namozi ertalab soat 05:10 da o‘qiladi.  6-iyun kuni poytaxtdagi jamoat transportlari, ya’ni avtobus yo‘nalishlari va metropoliten soat 03:00 dan o‘z harakatini boshlaydi.