Angliyaning “Liverpul” klubi markaziy himoyachisi Ibrohim Konatega yangi shartnoma taklif etdi. Mersisaydliklar futbolchining yozgi transfer oynasi yopilishidan avval (1-sentyabrgacha) o‘z qarorini bildirishini istamoqda. Bu haqda jurnalist DaveOCKOP o‘zining X (avvalgi Twitter) sahifasida xabar bergan.
Manbaga ko‘ra, klub rahbariyati Muhammad Saloh bilan bog‘liq holatning takrorlanishini xohlamayapti. Ma’lumki, o‘tgan mavsumda Salohning shartnomasini uzaytirish jarayoni ancha cho‘zilgandi.
Agar Konate yangi shartnomaga rozi bo‘lmasa, “Liverpul” uni transfer oynasi yopilishidan oldin 35 million funt sterling (taxminan 40,6 million yevro) yoki undan yuqori narxda sotishga tayyor. Klub futbolchini mavsum yakunida erkin agent sifatida bepul qo‘yib yuborishni istamaydi. Fransiyalik himoyachining amaldagi shartnomasi 2026-yil yozigacha mo‘ljallangan.
Eslatib o‘tamiz, avvalroq himoyachiga Madridning “Real” klubi jiddiy qiziqish bildirayotgani haqida xabarlar tarqalgandi. Unga ko‘ra, “qirollik klubi” Konate uchun 25 million yevro to‘lashga tayyor
- Ibrohim Konate “Liverpul” safida 2021-yil yozidan beri to‘p suradi.
- U shu davr mobaynida barcha musobaqalar doirasida 134 o‘yin o‘tkazib, o‘z hisobiga 5 ta gol va 4 ta golli uzatma yozdirib qo‘ygan.
- Transfermarkt portali futbolchining qiymatini 60 million yevroga baholamoqda.
Izoh (0)